Үчүгэйи түргэнник умнар кырыыстаах буолбатыгар.

   Саха сирэ Россияны кытта бииргэ олоруоҕуттан төрүт олохтоох дьон төһүүн (ясак) төлөөн эрэ таҕыстылар. Сайдыы олох кэминэн баран испитэ. Арай Октябрьскай революция буолан, Саха сирин төрүт олохтоохторо эмискэ баҕайы үөрэхтэннибит, туспа автономия ыллыбыт. Ону тоһоҕолоон куорат ортотугар Ленин болуоссата, памятнига баар.
   Б.Ельцин былааска кэлэн, Россияҕа демократияны киллэрбитэ уонна Саха сиригэр олорор дьоҥҥо барыларыгар алмаастан уонна көмүстэн 1992 сыллаахха ирээт биэрбитэ. Хостоммут аламаастан, көмүстэн ирээттэһэн, Россия субъектарыттан аан бастакыннан Алмаас уонна Көмүс фондата арыллыбыта. Кэлэр көлүөнэ фондата олохтоммута. Сыл аайы Саха сирин бюджетыгар алмаастан 10,5 млрд. солкуобайдаах түүлээһин харчыта киирбитэ. Ол ирээккэ олоҕуран, Саха сиригэр саҥа оскуолалар, былыыһалар, гимназиялар, спорткомплексалар, университет дьиэлэрэ тутуллубуттара. Оҕолонор дьоҥҥо 100000 тыһыынча харчы, түөрт оҕолоох ийэлэри эрдэ улахан пенсияҕа ыытыы, учууталларга уонна быраастарга араас эбии көмөлөр уо.д.а. эбии социальнай көмөлөр буолбуттара. Экологияттан айгыраабыппыт иһин, Дальнай Востокка суох улахан, үчүгэй тээбириннээх Мендцентр тутуллубута. Ити үчүгэйи түргэнник умнар айыы буолбатыгар, Медцентр иннигэр Б.Ельцин площадын оҥоруоҕун уонна памятник туруоруоҕуҥ!
   Билигин Б.Ельцин кыыһа Татьяна салалтатынан Б.Ельцин фондата баар буолла уонна ити кэриэстэбиллэри харчыннан өйүүр кыахтаах.
   Саха сирин дьонугар Россия историята олохпут аргыһа буоларын итинэн көрдөрүөхпүт уонна инники кэскилбитигэр олук ууруохпут.
   Итинник этиилээх Б.Ельцин памятнигын Якутскайга туруорарга инициативнай бөлөҕү тэрийэрбин биллэрэбин.

Анатолий Чомчоев.